ՎԵՐՋԻՆ ՂՈՂԱՆՋՆԵՐ

Posted by: | Posted on: Մայիսի 25, 2018

Վերջին զանգի այս գեղեցիկ տոնը այս տարի ևս այցելեց մեր դպրոց՝ շրջանավարտներին ճանապարհելով նոր կյանք:
Շնորհավոր ձեր այս գեղեցիկ տոնը, մեր սիրելի շրջանավարտներ, մաղթում ենք, որ կյանքի այս նոր փուլում հաջողությունն ու բարեկեցությունը միշտ ձեզ ուղեկից լինի, թող ձեզ չլքի դպրոցական կյանքի անհոգությունն ու կենսուրախությունը: Բարի երթ…

 


ԲԱՑ ԴԱՍ

Posted by: | Posted on: Մայիսի 17, 2018

Այսօր մեր դպրոցի ութերորդ և իններոդ դասարաններում տեղի ունեցավ բաց դաս՝ նվիրված Սարդարապատի հերոսամարտի 100-ամյակին: Երեխաները պատմության դասի ընթացքում ներկայացրեցին մայիսյան հերոսամարտի պատմությունը, նշեցին կարևոր թվականներն ու իրադարձությունները: Երեխաները ներկայացրեցին  փառապանծ մայիսը մեծ կարևորությունը հայերի կյանքում:Թեման ամփոփելուց հետո նրանք նաև մայիսյան հերոսամարտի հետ կապված խաչբառ լուծեցին, որով էլ ավարտվեց այս թեմային անդրադարձը:


ԱՌԱՋԻՆ ԴԱՍԱՐԱՆԻ ՎԵՐՋԻՆ ԱԿՈՐԴՆԵՐԸ

Posted by: | Posted on: Մայիսի 7, 2018

 

Ահա եկավ ուսումնական տարվա ավարտը: Մեր դպրոցի առաջին դասարանցիները  ցույց տվեցին իրենց գիտելիքները, որոնք նրանք ձեռք էին բերել ողջ տարվա ընթացքում: Նրանք արտասանեցին, երգեցին և բեմականացրեցին իրենց կողմից շատ սիրված «Շունն ու կատուն»:

Թող այս նոր նվաճումները նրանց համար կրկնապատկվեն նոր ձեռքբերումների հասնեն, և համալրեն մեր երկրի խելացի քաղաքացիների շարքերը:


ՀԱՅՏԱՐԱՐՈՒԹՅՈՒՆ

Posted by: | Posted on: Ապրիլի 18, 2018
Հայտարարվում է մրցույթ ՀՀ Վայոց ձորի մարզի «Սարավան գյուղի հիմնական   հանրակրթական դպրոցի» ՊՈԱԿ-ի ռուսաց լեզվի, ՆԶՊ-ի ուսուցչի թափուր տեղի համար:
Ուսուցչի պաշտոնի համար նախատեսված վարձատրությունը որոշվում է ըստ  դասաբաշխման:
Մրցույթի մասնակիցների գիտելիքների և մասնագիտական կարողությունների ստուգումն անցկացվելու է երկու փուլով` գրավոր և բանավոր՝ ըստ ՀՀ ԿԳ նախարարության կողմից հաստատված հարցաշարերի:
Մրցույթին մասնակցելու համար անձը հանձնաժողովին է ներկայացնում`
1.Հանձնաժողովի անունով գրավոր դիմում` նշելով այն աշխատատեղը, որին հավակնում է /Ձև 1/,
2.Փաստաթուղթ /դիպլոմ/ <<Հանրակրթության մասին>> ՀՀ օրենքի 26-րդ հոդվածի 1-ին մասի պահանջին համապատասխան որակավորման վերաբերյալ,
3.Անձնագրի պատճենը.
4.Ինքնակենսագրություն /Ձև 4/
5.Թափուր աշխատատեղը զբաղեցնելու համար մասնագիտական գիտելիքներին և աշխատանքային ունակություններին ներկայացվող պահանջների բավարարումը հավաստող փաստաթղթերի, հավաստագրերի պատճեները /դրանց առկայության դեպքում/
6.Մեկ լուսանկար` 3/ 4 չափի,
7.Այլ պետությունների քաղաքացիները` Հայաստանի Հանրապետությունում աշխատելու իրավունք
8.ՀՀ արական սեռի քաղաքացիները ներկայացնում են նաև զինգրքույկ:
Փաստաթղթերի պատճեները պետք է ներկայացնել բնօրինակների հետ:
Փաստաթղթերն ընդունվում են սույն հայտարարության հրապարակման օրվանից հետո  մինչև  մայիսի 18ը ներառյալ, ամեն օր՝ ժամը 10:00-ից 16:00-ը, բացի շաբաթ և կիրակի օրերից:
Փաստաթղթերի ընդունումը կանցկացվի` ըստ կարգի:
Մրցույթը տեղի կունենա մայիսի 22-ին՝ ժամը 14:00-ին, ՀՀ Վայոց ձորի մարզի Սարավան գյուղի հիմնական դպրոցում, հասցեն ՀՀ Վայոց ձորի մարզ գյուղ Սարավան
Տեղեկությունների համար զանգահարել  094-84-38-61   հեռախոսահամարներով:

ՇԱԲԱԹՕՐՅԱԿ

Posted by: | Posted on: Ապրիլի 16, 2018
Ապրիլի 14-ին մեր դպրոցում կազմակերպվեց շաբաթօրյակ, որի ընթացքում մեր աշխատողների և աշակերտների ջանքերով էլ ավելի գեղեցկացավ մեր շրջապատը: Նրանք մեկ անգամ ևս մաքրեցին իրենց ուսումնական հաստատության շրջակայքը, նաև ծառեր տնկեցին ու ջրեցին: Նաև խոստացան, որ պետք է հետևեն և խնամեն իրենց ծառերը:

 

 


ՍՈՒՐԲ ԶԱՏԻԿ

Posted by: | Posted on: Ապրիլի 5, 2018

Ինչպես գիտենք ապրիլի մեկին, մեր բոլորի կողմից սիրված տաղավար տոներից մեկն է՝ Զատիկը: Մենք ևս մեծ ուրախությամբ և ոգևորությամբ նշեցինք այս տոնը, որի ընթացքում երեխաները ծանոթացան տոնի նշանակությանը, ձվախաղեր խաղացին և շնորհավորեցին միմյանց « ՔՐԻՍՏՈՍ ՀԱՐՅԱՎ Ի ՄԵՌԵԼՈՑ, ՕՐՀՆՅԱԼ Է ՀԱՐՈՒԹՅՈՒՆԸ ՔՐԻՍՏՈՍԻ» խոսքերով:

Շնորհավոր Սուրբ Զատիկ, թող բոլորի տներն ուրախությամբ և սիրով լցվեն:


ՍԱՐԴԱՐԱՊԱՏԻՑ ԱՐՑԱԽ

Posted by: | Posted on: Մարտի 5, 2018

Սարդարապատի հերոսամարտին նվիրված մեր սաները ներկայացրերցին իրենց գեղեցիկ մտահղացումները:


ՆՈՐ ՏԱՐՎԱ ԲԱՐԵՄԱՂԹԱՆՔ

Posted by: | Posted on: Դեկտեմբերի 31, 2017

Ամանորը հրաշալի տոն է և մարդիկ գալիք տարվա հետ կապում են իրենց ցանկությունները, նպատակները և հույսերը: Բոլորը սպասում են հերթական հրաշքի, մի լուսավոր հեքիաթի, նոր երջանկության:

Սարավանի հիմնական դպրոցի ողջ անձնակազմը շնորհավորում է Ձեզ Նոր տարվա կապակցությամբ՝ ցանկանալով խաղաղություն: Թող  բոլորի երազանքները, հերթական հրաշքի սպասումները իրականանան, բոլորի դեմքին իջնի ժպիտ և պահպանվի ողջ տարվա ընթացքում, ուսումնական ասպարեզում  հաջողություններ, ուժ ու եռանդ և նոր նվաճումներ, թող 2018 թվականը լինի ձեռքբերումների, երջանկության, խաղաղության և սիրո տարի: ՇՆՈՐՀԱՎՈՐ ՆՈՐ ՏԱՐԻ…


ՆՈՐ ՏԱՐԻ

Posted by: | Posted on: Դեկտեմբերի 28, 2017

Ահա և մոտեցավ բոլոր փոքրիկների սիրելի տոնը՝ Ամանորը: Մեր երեխաները մեծ ուրախությամբ և խանդավառությամբ պատրաստվել էին իրենց սիրելի տոնին՝ արտասանելով բանաստեղծություններ և պարելով ազգային պարեր: Նրանք ցույց տվեցին իրենց ունակությունները, շնորհավորեցին գալիք տոնի կապակցությամբ և հրաժեշտ տվեցին 2017 թվականին՝ անհամբեր սպասելով 2018 թվականին:

 


ՆՈՐ ՆՎԱՃՈՒՄՆԵՐ

Posted by: | Posted on: Դեկտեմբերի 1, 2017

Նոյեմբերի 28-ին Dasaran կրթական կենտրոնում տեղի ունեցավ «Նոր սերնդի դպրոց 2016-2017» մրցույթի ամփոփումն ու մրցանակաբաշխությունը: Այս մրցանակաբաշխության ժամանակ բոլոր ակտիվ դպրոցները պարգևատրվեցին: Մեր դպրոցին պարգևատրեցին պատվոգրով և խրախուսական մրցանակով՝ մրցույթին ակտիվ մասնակցութուն ցուցաբերելու համար: Շնոորհակալություն ենք հայտնում Dasaran  կրթական ծրագրին մեր աշխատանքը գնահատելու համար: